Настаўнікі беларускай мовы і літаратуры ўстаноў адукацыі прынялі ўдзел у тэматычным семінары "Выкарыстанне розных мадэлей табліц у сістэме падрыхтоўкі да цэнтралізаванага экзамену".
Спікер семінара, Людміла Віктараўна Шырынава, настаўнік беларускай мовы вышэйшай кваліфікацыйнай катэгорыі дзяржаўнай установы адукацыі "Азярэцкая сярэдняя школа Глыбоцкага раёна", падзялілася вопытам і метадычным майстэрствам па выкарыстанні розных мадэлей табліц, якія сталі гарантыяй якаснай падрыхтоўкі да экзамену.
Пад час сустрэчы педагогі атрымалі дэталёвы агляд сістэмы работы з разнастайнымі мадэлямі табліц, якія ўсё больш становяцца неабходным інструментам у сучаснай падрыхтоўцы да ЦЭ.
Удзельнікі семінара падкрэслілі, што інтэграцыя розных мадэлей табліц у вучэбны працэс спрыяе фарміраванню ў вучняў навыкаў самастойнага аналізу і сістэматызацыі інфармацыі, што з’яўляецца ключавым фактарам поспеху на экзамене. Падобныя сустрэчы дазваляюць настаўнікам абменьвацца дасягненнямі і знаходзіць новыя рашэнні для навучання, робячы працэс больш эфектыўным і захапляльным.
.jpg)
