Запрашаем настаўнікаў беларускай мовы і літаратуры на навучальныя курсы (тэматычны семінар) ”Праектаванне вучэбных заняткаў па беларускай мове і літаратуры з выкарыстаннем тэхнік візуалізацыі“, якія адбудуцца ў анлайн-рэжыме 24 жніўня 2023 г. на платнай аснове.
На тэматычным семінары настаўнікі-філолагі змогуць удасканаліць сваю прафесійную кампетэнтнасць праз пашырэнне ўяўленняў пра сутнасць тэхнік візуалізацыі, знаёмства з электроннымі інструментамі для пераўтварэння вучэбнай інфармацыі ў спецыфічныя наглядна-вобразныя мадэлі, сучаснымі спосабамі і формамі ажыццяўлення працэсу навучання ў межах адукацыйных праграм па беларускай мове і літаратуры, а таксама ў рабоце з высокаматываванымі вучнямі.
Практычныя заняткі будзе праводзіць Казачэнка Ірына Рыгораўна, настаўнік беларускай мовы і літаратуры кваліфікацыйнай катэгорыі ”настаўнік-метадыст“ ДУА ”Лельчыцкая раённая гімназія“ (Гомельская вобласць), аўтар вучэбна-метадычных дапаможнікаў для настаўнікаў і навукова-метадычных публікацый.
Пачатак работы семінара – 24.08.2023 г. у 11 гадзін.
Кошт навучання аднаго ўдзельніка – 18 рублёў 07 капеек.
Для ўдзелу ў навучальных курсах неабходна прайсці папярэднюю электронную рэгістрацыю па спасылцы https://forms.gle/LJ4zQ7UKybF8T3wSA
або па QR-кодзе 
На адрас электроннай пошты, указанай пры рэгістрацыі, у дзень правядзення тэматычнага семінара будзе адпраўлена спасылка на ўваход у анлайн-кабінет.
Па пытаннях арганізацыі і правядзення навучальных курсаў звяртацца па тэлефоне: 8-029-298-06-95 (Пятрова Наталля Захараўна).
Па выніках работы адукацыйных курсаў слухачы атрымаюць даведку аб навучанні ўстаноўленага ўзору.